اسلام آباد۔2جون(اے پی پی) وفاقی وزیر اطلاعات و نشریات مریم اورنگزیب آکھیے سکرین ٹورازم دے ذریعے پاکستان دی خوبصورت ثقافت اتے تہذیب و تمدن پوری دنیا کوں ݙکھاوݨ چاہندوں ، غیر ملکی فلم سازاں کوں پاکستان اچ عکس بندی اتے فلم سازی دے شعبہ اچ خصوصی رعایتاں توں فیدہ چاوݨا چاہیدے ، پاکستانی طالب علماں کوں فلم، آرٹ اینڈ کلچر اچ فنی تربیت ݙیوݨ کیتے جرمن اداریں دا تعاون چاہندوں ، اے ڳالھ انہاں پاکستان اچ جرمنی دے سفیر ایلفرڈ گرناس نال ملاقات اچ آکھی اے ۔ ملاقات اچ ݙوہیں ملکاں وچال فلم، آرٹ اتے ثقافت دے شعبیں اچ ݙوطرفہ تعاون تے اتفاق کیتا ڳئے ۔ ملاقات اچ بیبلسبرگ یونیورسٹی اتے یونیورسٹی آف ٹیلی ویژن اینڈ فلم میونک دے نال اشتراک عمل دی تجویز تے وی ڳالھ مہاڑ تھئی ۔ وفاقی وزیر اطلاعات جرمن سفیر کوں فلم اینڈ کلچر پالیسی اتے ایندے تحت ݙتی ڳئی مراعات بارے ݙسایا ۔ انہاں آکھیے جرمنی تے پاکستان دی نجی سرکاری درس گاہواں اچ تعاون توں فلم، آرٹ اینڈ کلچر کوں ودھارا مل سڳدے ۔ وفاقی وزیر جرمن این جی اوز جی آئی زیڈ اتے ہانس سیڈل فائونڈیشن دی پاکستان اچ خدمات دی تعریف کیتی ، انہاں سیلاب متاثرین کیتے 18 کروڑ 40 لکھ یورو دی امداد تے جرمنی دا شکریہ ادا کیتے۔ انہاں آکھیے ماحولیاتی تغیرات دے مقابلے کیتے بین الاقوامی کانفرنس اچ 8 کروڑ 40 لکھ یورو دی امداد ݙیوݨ دا وعدہ جرمنی دی پاکستان دوستی دا ھک ٻیا ثبوت اے ۔
