اسلام آباد۔2جون (اے پی پی):سینیٹ اچ قائد ایوان و وفاقی وزیر قانون و انصاف سینیٹر اعظم نذیر تارڑ آکھیے جو سابق وزیراعظم اقتدارتوں محروم تھیوݨ دی وجہ توں ذہنی توازن ونڄا ٻیٹھن، حکومتاں بدلݨ نال ملک دی سالمیت تے کوئی آنچ نہ آسی ، پاکستان مخالف بیانیے توں ملک تروڑݨ دیاں ڳالھیں کرتے او ملک اچ انتشار کھنڈاوݨ چاہندن ، خمیس کوں ایوان بالا اچ تحریک التواء تے ڳالھ کریندے ہوئیں قائد ایوان آکھیے جو سابق وزیراعظم دا اقتدار توں محروم تھیوݨ توں بعد انداز گفتگو ہی بدل ڳئے تے انہاں ملک دی سلامتی دے خلاف بیان داغݨ شروع کرݙتن جیڑھے جو انتہائی خطرناک ہن، حالانکہ انہاں جیڑھا حلف چاتا ہئی ایندی باری ذمے واری ہوندی اے جیں کوں پوروا وی کرݨا پوندے ، اقتدار ونڄݨ توں او ذہنی توازن ونڄا بیٹھن ، احتیاط توں کم گھنن ، اے ملک قائم رہݨ کیتے بݨیے ، حکومتاں بدلݨ توں ریاست پاکستان تے کوئی آنچ نہ آسی ، عمران خان دی حکومت آئینی طریقے نال ختم کیتی ڳئی، اتحادی انہاں کوں چھوڑ ڳئے، پاکستان ساریں توں پہلے اے اتے سیاست اوں توں بعد ، عمران خان آئین شکنی کیتی، سپریم کورٹ غیر آئینی طور تے تحلیل کیتی ڳئی۔ اسمبلی کوں بحال کیتا، انہاں دے سپیکر تے ڈپٹی سپیکر وی غیر آئینی اقدامات کیتے، اوقومی اسمبلی توں بھڄے ہوئے ہن، موجودہ منتخب اسمبلی آپݨا نواں قائد ایوان چݨیے ، پاکستان مخالف بیانیے دے ذریعے او ملک اچ انتشار کھنڈاوݨ چاہندن
