اسلام آباد۔30مئی (اے پی پی):وزیر اع??م محمد شہباز شریف پاکستان اتے آذربائیجان وچال تجارت، سرمایہ کاری، توانائی اتے سلامتی دے شعبیں اچ سانجھے تعاون کوں تکڑا بݨاوݨ دی لوڑھ تے زور ݙتے ۔ وزیراعظم آفس دے میڈیا ونگ توں جاری بیان موجب اے ڳالھ انہاں آذربائیجان دے وزیر خارجہ جیہون بیراموف کوں آکھی جنہاں انہاں دے نال ملاقات کیتی ۔ وزیراعظم ݙوہیں ملکاں وچال تعلقات دی مثبت رفتار تے اطمینان دا اظہار کیتے ۔وزیر اعظم ایں امر دی تعریف کیتی جو ݙوہیں فریقاں بنیادی دلچسپی دے امور تے ہمیشہ ھک ݙوجھے دی مکمل حمایت کیتی تے ایں ڳالھ دا اعادہ کیتے جو مستقبل اچ ݙوہیں فریقین بین الاقوامی فورم تے ھک ݙوجھے دی حمایت جاری رکھیسن۔ وزیراعظم نومبر 2024 اچ تھیوݨ آلے ??نت??ویویں اقوام متحدہ کانفرنس آف پارٹیز کوپ۔29 دے میزبان شہر دے طور تے باکو دے ??نت??اب تے وزیر خارجہ بیراموف کوں مبارخ ݙتی تے آکھیے جو پاکستان ایں اہم ایونٹ دے کامیاب نتیجے کوں یقینی بݨاوݨ سانڳے آذربائیجان نال رل تے کم کریسی ۔ جون 2023 اچ باکو دے دورے اچ صدر الہام علیوف نال آپݨی نتیجہ خیز ڳالھ مہاڑ کوں یاد کریندے ہوئیں وزیراعظم آذربائیجان دے صدر کوں اڄوکے سال دے چھیکڑ اچ پاکستان دا سرکاری دورہ کرݨ سانڳے آپݨی دعوت ݙتی ۔ آذربائیجان دے وزیر خارجہ مہمان نوازی تے وزیراعظم دا شکریہ ادا کیتے تے آپݨی تے پاکستانی وزیر خارجہ وچال تھیوݨ آلی ڳالھ مہاڑ دا ݙسائے ۔ انہاں آذربائیجان دی قیادت دی طرفوں وزیراعظم کوں نیک خواہشات دا پیغام ݙتے تے انہاں کوں آذربائیجان دی پاکستان نال آپݨے تعلقات کوں ٻیا تکڑا بݨاوݨ دی خواہش دا یقین ݙیوائے ۔ وزیر خارجہ بیراموف نائب وزیر اعظم اتے وزیر خارجہ سینیٹر محمد اسحاق ڈار دی دعوت تے پاکستان دا دورہ کریندے پئن ۔
