وزیراعظم عمران خان ملک اتے آوݨ آلیاں نسلاں دا سوچیندن ، وزیر مملکت اطلاعات و نشریات فرخ حبیب دا تقریب توں خطاب

اسلام آباد۔15دسمبر (اے پی پی):وزیر مملکت اطلاعات و نشریات فرخ حبیب آکھیے جو وزیراعظم عمران خان ملک اتے آوݨ آلیاں نسلاں دا سوچیندن اتے انہاں کیتے اقدامات کریندن ، عمران خان دی قیادت اچ حکومت پورے ملک اچ طبقاتی نظام تعلیم کوں ختم کرتے ھکو سواں نظام تعلیم نافذ کیتے ۔ اے ڳال انہاں ٻدھ کوں اتھاں تقریب توں خطاب کریندے ہوئیں آکھی اے ۔وزیر مملکت فرخ حبیب آکھیے جو کپتان عمران خان دی قیادت اچ قومی کرکٹ ٹیم 1992داکرکٹ ورلڈ کپ اپݨے ناں کیتا جیڑھے اکھیندے ہن جو شوکت خانم ہسپتال کائناں بݨسی او ݙیکھ گھنن جو مزید ݙو کینسر ہسپتال بݨ چکئن ، پاکستان دے غیور عوام سالانہ 10ارب روپے دے عطیات شوکت خانم ہسپتال کوں ݙیندن جیں دے ذریعے غریباں دا علاج مفت تھیندا پئے عمران خان ہمیشہ چور رستے توں اقتدار دے خلاف ہن ‘تبدیلی اتے نویں پاکستان دی شمع گھن تے عمران خان 22سال جدوجہد کیتی‘ انصاف‘ دا پیغام ڳلی ڳلی‘کوچے کوچے تئیں پڄے ‘ میانوالی اچ نمل یونیورسٹی دے نال ھک مکمل نالج سٹی بݨݨ ویندا پئے ۔ انہاں آکھیے جو پی ٹی آئی واحد جماعت اے جیڑھی جو پنجاب‘ کے پی کے‘ بلوچستان‘آزادوجموں کشمیر‘ گلگت بلتستان اچ حکومت کریندی پئی اے ‘وزیراعظم عمران خان ملک اتے آوݨ آلیاں نسلاں دا سوچیندن اتے انہاں کیتے اقدامات کریندے پئن۔

مضمون کا ماخذ : ٹکی انماد

متعلقہ مضامین